ʻO Līloa ke aliʻi o ka mokupuni ʻo Hawaiʻi, a ʻo Piena kona wahine mua.  Ua hānau ʻia ʻo Hākau e Piena, no laila, He kaikuaʻana hapa ʻo Hākau no ʻUmi.

 

Ma hope o kona hoʻolaʻa ʻana i kekahi heiau ma Kokohalile, hele aku ʻo Līloa e ʻauʻau i loko o kekahi kahawai. Uʻi maoli nō ʻo ʻAkahiakuleana a hoʻoipo ʻo Līloa iā ia. Noho pū lāua a hāpai ia wahine uʻi. Ua nīnau aku ʻo Līloa iā ia, “ʻO wai kou makuakāne?” Pane ʻo ʻAkahiakuleana, “ʻO Kuleanakupiko koʻu makuakāne.” Wahi a Līloa, he hoahānau ʻo ʻAkahiakuleana nona. Ua haʻi aku ʻo Līloa iā ia, inā hānau ʻia he keikikāne, ʻo ʻUmi ka inoa e kapa ʻia ai ʻo ia, a inā he kaikamahine, e wae ʻoe i kekahi inoa o kou ʻohana. Ma hope o kona haʻalele ʻana, hāʻawi ʻo Līloa iā ʻAkahiakuleana i kona malo, kona niho palaoa, a me kona lāʻau pālau. ʻĪ maila ʻo Līloa iā ia, “Eia nā hōʻailona o kā kāua keiki i mea naʻu e ʻike mai ai iā ia, a hiki i kona wā nui, e hāʻawi aku ʻoe i kēia mau mea nona.”

 

Hānai ʻia ʻo ʻUmi a nui e kona makuahine lūauʻi a me kona makuakāne hānai eia naʻe,  ua hana ʻino ʻia ʻo ʻUmi e kona makuakāne hānai a i hākālia nō a haʻi kona makuahine iā ʻUmi a me kāna kāne i ka makauakāne lūauʻi o ʻUmi, ʻoi ia hoʻi, ʻo Līloa.

 

ʻO ka haʻi akula nō ia o ʻAkahiakuleana iā ʻUmi, “E hele aku nō ʻoe e noho pū me kou makuakāne lūauʻi. ʻAe ihola ʻo ʻUmi, a hāʻawi ʻia ia mau mea a Līloa iā ʻUmi e ʻAkahiakuleana, ʻo ia hoʻi, kona malo, kona niho palaoa, a me kāna lāʻau pālau. Hele pākolu akula nō  ʻo ʻUmi me kekahi mau keiki hoʻokama, ʻo ia hoʻi,ʻo ʻŌmaʻokāmau lāua ʻo Piʻimaiwaʻa. Loaʻa kahi aliʻi o Līloa iā lākou ma Waipiʻo a lele aʻela ʻo ʻUmi i ke kaupale waena, a holoholo a hiki i o Līloa. ʻO ka noho ihola nō ia o ʻUmi i ko Līloa ʻūhā. Pūʻiwa nō kā ʻo Līloa, a ʻānō iho nō, ʻī akula ʻo ʻUmi, “ʻO ʻUmi au, ʻo kāu keikikāne.”  ʻO ka hōʻike akula nō ia o ʻUmi i nā mea a Līloa i hāʻawi mai ai i ko ʻUmi makuahine, ʻo ia hoʻi, kona malo, kona niho palaoa, a me kāna lāʻau pālau.  Hoʻomaopopo ʻo Līloa a hauʻoli nō hoʻi ia i ka ʻike ʻana i kāna keikikāne. He kaikuaʻana hapa o ʻUmi no Hākau a ma muli o ke alo o ʻUmi, he inaina hae nui nō ko Hākau.

 

Ma hope o ka hala ʻana o Līloa, hoʻoilina ke aupuni iā Hākau, eia naʻe, hoʻoilina nā heiau a me nā akua i mea no ʻUmi e mālama ai. No laila, noho hoʻopili wale ʻo ʻUmi ma lalo o Hākau, eia nō naʻe, i kekahi kūlana kiʻekiʻe. Hōʻike aku nō auaneʻi ʻo Hakau i kona manaʻo ʻino iā ʻUmi i kekahi mau mea he nui. No laila, ʻO ka haʻalele nō ia o ʻUmi a me kona mau keiki hoʻokama he ʻelua iā Waipiʻo a noho hūnā me kekahi ʻohana ma luna o kahi pali.

 

ʻO ka mea maʻa mua, ʻo ia ka ʻike ʻana i kekahi ānuenue ma luna o ia pali. ʻO Kaʻōleiokū, he kahuna kiʻekiʻe e noho ana ma kēlā wahi, a haʻohaʻo ʻo ia iā ia iho, he aliʻi anei i ka nohona ma luna o kēlā pali? Maopopo iā ia, he hōʻailona ia ānuenue no kekahi aliʻi. Hahai ʻo Kaʻōleiokū i ke ānuenue, a loaʻa iā ia ʻo ʻUmi mā. ʻO ke kōkua akula nō ia o Kaʻōleiokū lāua ʻo Piʻimaiwaʻa a me ʻŌmaʻokāmau i ke kūkulu ʻana i kā ʻUmi pūʻali. Hana ʻino ʻia nō ʻo nā poʻe a pau e Hākau, no laila, hoʻokahuli ʻia auaneʻi ke aupuni o Hākau e ka pūʻali a ʻUmi. Ma muli o ia, ua lilo ʻo ʻUmi ʻo ke aliʻi o Hawaiʻi.