Nā hiʻohiʻona o ka waiānuenue

​

Eia ka wehewena i ʻohi ʻia mai nā puke wehewehe no ka waiānuenue:[1]

 

Pukui/Elbert:      Pili pono, He ānuenue i ʻike ʻia ma ka pili wai.

 

ʻO ka welo mua:                     He ānuenue ʻāweʻaweʻa

ʻO nā welo kūlana ʻelua:        He ānuenue i nānā ʻia pili i ka wai

 

He waiānuenue (na Kelpfish | Dreamstime.com)

​

​

​

​

​

​

​​

​

​

​

​

​

Eia mai nō kekahi ʻōlelo noʻeau: “Ka ua lei māʻohu o Waiānuenue.” ʻO ka wai ānuenue hoʻi ma Hilo, Hawaiʻi, i kēia manawa, ua kapa ʻia ʻo Wailele Ānuenue. Hiki ke ʻike ʻia kekahi ānuenue ma loko o nā lā ʻōlino, ke heleleʻi ka ua iho, kohu lei noe ke nānā aku i ka ʻehu e piʻi ana. [2]

​

Nā pōʻai lewa o ka waiānuenue e ʻōʻili ai

​

ʻOiai, pili ka waiānuenue i kekahi kumu wai ma ka honua, ʻo ka lewa hoʻomakua a me kekahi hapa o ka lewa lani lewa paha kona pōʻai lewa e ʻōʻili ai.

​

Nā manawa o ka waiānuenue e ʻōʻili ai

​

Kupu kekahi waiānuenue i kekahi mau manawa like ʻole. ʻO ka mea ʻano nui ma ke kuanaʻike ʻepekema, ʻo ia ke anahonua pololei, a me ka huina kanahā kūmālua mai ka mea nānā a me ka lā. No laila, ʻōʻili pinepine ka waiānuenue a puni kekahi mau wailele, ka nalu nui, a me ka panina o kauwahi ʻiliwai.

​

Nā Hōʻailona o ka waiānuenue

​

ʻAʻole i loaʻa kahi hōʻailona o ka waiānuenue ma loko o nā kūmole a pau i hoʻohana ʻia no kēia papahana, eia naʻe, aia kekahi moʻolelo hoihoi e pili ana i ia ʻano ānuenue. Ua noho aʻela kekahi kuna nunui ma luna o ka wailele ānuenue. I loa nō a hōʻea mai ʻo Hina lāua ʻo Maui i laila no ka noho ʻana i loko o ke ana ma hope o ia wailele, hōʻehaʻeha ʻia lāua e ia kuna.[3] Pepehi ʻia auaneʻi ia kuna e Maui, a make.

 

[1] Ua unuhi ʻia nā wehewehena o nā ʻano ānuenue i ka ʻōlelo Hawaiʻi no kēia papahana laeoʻo. E nānā ʻia ka māhele 1.1.1 no kekahi hoʻākaaka ʻana.

[2] Mary K. Pukui. (1983). ʻŌlelo Noʻeau. Honolulu, HI: Bishop Museum Press. #1580.

[3] Marie Alohalani Brown. 2022. Ka Poʻe Moʻo Akua. Honolulu, HI: University of Hawaiʻi Press. ʻaoʻao 45.