Ke Akakū Ānuenue
Wahi a nā puke wehewehe Hawaiʻi-Pelekane, ʻo kēia ka wehewehe ʻana o kēia ʻano ānuenue:
Photo by: Mike7777777 | Dreamstime.com
Kekahi kiʻi i hōʻoia ʻole ʻia: Kuhikuhi kēia mau kiʻi i kēia ʻano ānuenue ma muli o ko ka mea kākau maopopo ʻana i nā wehewehe ʻana o nā puke wehewehe, ka pōʻaiapili ma loko o kekahi mau kaʻao, kekahi ʻatikala nūpepa, a me kekahi hoʻopaʻa leo Hawaiʻi. ʻAʻole panina lākou.
Nā hōʻailona a me nā ʻōuli:
ʻAʻole ʻike pinepine ʻia kēia ʻano ānuenue nani ma Hawaiʻi. He hōʻailona a i ʻole he ʻōuli no kekahi mea like ʻole a hōʻike ʻano ʻia i lalo iho:
Wahi a nā kaʻao ʻAʻohe manawa o kēia ʻano ānuenue i ʻōʻili ai ma loko o nā kaʻao i kālailai ʻia.
I ka wā hea ʻo ia e ʻōʻili ai?:
I kekahi manawa, kokoke ma ka wēkiu o Haleakalā, komo iho kekahi mau ao a i ʻole nā noe i loko o ka lua Pele. ʻOiai kekahi kanaka e kū aʻe ana ma kekahi wahi nānā, hiki paha iā ia ke ʻike i kona aka ma loko o nā ao iho a kaʻapuni ʻia e kekahi ānuenue. ʻO ke akakū ānuenue ka inoa o kēia hopena. Ua manaʻo kekahi mau Hawaiʻi, he mea pōmaikaʻi ka ʻike ʻana i ia hopena, no ka mea, ua manaʻo lākou, e ʻike iho ana lākou i ko lākou ʻuhane ponoʻī (hoʻoia ʻole ʻia kēia i kēia manawa).
na Mike7777777 | Dreamstime.com