
Nā Hui Hōʻailona
Lehulehu nō nā hōʻailona, a me nā ʻōuli o nā ʻano ānuenue a pau ma loko o nā moʻolelo/kaʻao Hawaiʻi kuʻuna, a ma loko o kekahi mau kūmole ʻē aʻe. Ua ʻohi ʻia ia mau hōʻailona, a ʻo kinohi ia o kahi papa helu hōʻailona. Eia naʻe, ma muli o ka heluhelu a kālailai ʻana i ia mau kūmole, ua ʻōkomo ʻia kekahi mau hōʻailona hou i loko o ia papa helu. ʻO ka hopena, aia he iwakāluakumamākahi hōʻailona ma loko o ia papa helu[1] Hōʻike ʻia ma loko o ka Pakuhi ma lalo iho. I ke kolamu ʻākau o ia Pakuhi, hōʻike ʻia nā kūmole o kēlā me kēia hōʻailona. Ke nānā kaulona ʻia ia mau hōʻailona, like paha kekahi. No laila, ua hoʻohui ʻia nā hōʻailona like ma loko o ʻelima hui. ʻO ia hoʻi, nā hōʻailona pili i ka hānau a i ʻole ka make, pili i ka nohona, pili i kahi wānana, pili i ke kū ʻana, a pili i kekahi neʻe ʻana.
[1] Ua unuhi ʻia nā hōʻailona ma loko o nā kūmole like ʻole e ka mea kākau. Inā, hewa kekahi o ia mau unuhi, naʻu nō ke kuhihewa.

na Andre Nantel | Dreamstime.com